កំពុងតអំពូល ស្រាប់តែខែ្សភ្លើងឆក់ ប្រកាច់ធ្លាក់​ ចូលទឹកស្លាប់

នំពេញ៖ បុរសវ័យ៣២ ឆ្នាំម្នាក់បានស្លាប់ចោលប្រពន្ធ និងកូន៣នាក់ បន្ទាប់ពីត្រូវខែ្សភ្លើងឆក់ ធ្លាក់ចូលទឹកស្លាប់ ខណៈជនរងគ្រោះកំពុងតអំពូលភ្លើង កាលពីវេលាម៉ោង ៧ និង០៥នាទីយប់ថ្ងៃទី០៩ ខែតុលា ឆ្នាំ២០១១ ស្ថិតនៅភូមិកណ្តាល សង្កាត់ច្បារអំពៅ២ ខណ្ឌមានជ័យ ។
ជនរងគ្រោះមានឈ្មោះ ទីម គីម អាយុ៣២ ឆ្នាំ មានស្រុកកំណើត នៅខេត្តព្រៃវែង។
ស្រ្តីភរិយាជនរងគ្រោះបានរៀបរាប់ឲ្យដឹងថា មុនពេលកើតហេតុ ជនរងគ្រោះបានទៅតអំពូល ដែលខូច ស្រាប់តែកំពុងតនោះ ក៏ត្រូវខ្សែភ្លើងឆក់ ធ្លាក់ចូលទៅក្នុងទឹក។ ពេលឃើញដូចនោះ គាត់ក៏បានទៅដកខែ្សភ្លើងចេញ ប៉ុន្តែនៅពេលមកទាញប្តីចេញពីក្នុងទឹក តែប្តីរបស់គាត់បានស្លាប់បាត់ទៅហើយ៕