ពត័មានទាន់ហេតុការណ៍: Aug 23, 2011

Tuesday, August 23, 2011

បក្សសម រង្ស៊ីដាក់បណ្ដាសារ ឲ្យហ៊ុន សែនដូចហ្គាដាហ្វី

នៅក្នុងសេចក្ដីថ្លែងការមួយ កាលពីម្សិលមិញ គណបក្សប្រឆាំងក្នុងប្រទេសកម្ពុជាបានប្រដូចហ៊ុន សែន មេដឹកនាំដែលមានចរិតផ្ដាច់ការក្នុងប្រទេសកម្ពុជាឲ្យដូច មូអាម៉ា ហ្គាដាហ្វី នៃ ប្រទេសលីប៊ី ដែលវាសនាអំណាចរបស់ជននេះកំពុងធ្លាក់ក្នុងក្រឡាអ័ព្ធ នៃការអូសក យកទៅកាត់ទោស។

ហ្គាដាហ្វី មេដឹកនាំផ្តាច់ការនៅលីប៊ី និងលោក ហ៊ុន សែន

សេចក្ដីថ្លែងការតាមអ៊ីម៉ែលនោះ បានសង្កត់ថា គណបក្សបក្សសមរង្ស៊ីប្ដេជ្ញាធ្វើឲ្យប្រាកដថា នៅទីបំផុត ហ៊ុន សែន នឹងជួបវាសនាដូច ជនផ្ដាច់ការ ស្លូបូដាន មីឡូស៊ីវីក ឬ ហ្គាដាហ្វីដែរ ។ដោយបក្សនេះក៏បានអំពាវនាវផងដែរ ដល់អ្នកតស៊ូដើម្បីសេរីភាព នៅក្នុងពិភពលោក ផ្ដោត គោលដៅបន្ទាប់ ទៅលើ ហ៊ុន សែន ដែលកាន់អំណាចដោយហង្សារយៈពេល៣២ឆ្នាំមកនេះ។

មានការកត់សម្គាល់ថា ដោយបរាជ័យក្នុងការគ្រប់គ្រងអំណាចផ្ដាច់មុខតាមប្រព័ន្ធ ប្រជាធិបតេយ្យ ហ៊ុន សែន បានផ្ដើមឲ្យមានរដ្ឋប្រហារ ដ៏បង្ហូរឈាមមួយកណ្ដាលទីក្រុងភ្នំពេញកាលពីខែកក្កដាឆ្នាំ១៩៩៧ ដែលបណ្ដាលឲ្យទាហាននិងជនស៊ីវិលស្លាប់ជាច្រើននាក់ ។ ហើយនៅឆ្នាំ១៩៩៨ មេដឹកនាំខ្មែររូបនេះបានបញ្ជាឲ្យទាហានរបស់ខ្លួន ធ្វើការបាញ់ប្រហារគ្មានមេត្តាទៅលើក្រុមបាតុករ ដែលប្រឆាំងចំពោះការគ្រប់ គ្រងអំណាចរបស់ខ្លួន។ រួមទាំងការប្រើវិធីខូចធ្វើទុក បុកម្និញលើគណបក្ស ប្រឆាំងផងដែរ។

ដោយមានការក្រោកឈរឡើងយ៉ាងគគ្រឹកគ្រេង របស់ប្រជាពលរដ្ឋនៅប្លុកអារ៉ាប់ ធ្វើបដិវត្តន៍ផ្ដួល រំលំពួកមេដឹកនាំអំណាចយូរនិងពុករលួយរបស់ខ្លួននោះ ហ៊ុន សែន បានស្រែកគំរាមដល់ ពលរដ្ឋខ្មែរ ជាសាធារណៈថា ខ្លួននឹងប្រើវិធីបិទទ្វារវ៉ៃឆ្កែ បើសិនជាអ្នកណាម្នាក់ចង់ទាញស្ថានការកម្ពុជាឲ្យធ្លាក់ក្នុង គន្លង ប្រទេសអារ៉ាប់ទាំងនោះ៕

សិស្សជាង ៨២% ប្រឡងជាប់បាក់ឌុបនៅឆ្នាំ២០១១

ក្រសួងអប់រំយុវជន និងកីឡា បានប្រកាសលទ្ធផលប្រឡងសញ្ញាបត្រមធ្យមសិក្សាទុតិយភូមិ ឬប្រឡងបាក់ឌុប ថ្នាក់ទី១២ ឆ្នាំ២០១១ ជាផ្លូវការទូទាំងប្រទេស នៅថ្ងៃទី១៩ និងថ្ងៃទី២០ ខែសីហា។លទ្ធផលនៃការប្រឡងជាប់របស់បេក្ខជនប្រឡងនៅឆ្នាំនេះ មានចំនួនច្រើនជាងឆ្នាំមុន។

មន្ត្រីក្រសួងអប់រំយុវជន និងកីឡា បានសម្ដែងការអបអរចំពោះលទ្ធផលនៃការប្រឡងសញ្ញាបត្រមធ្យមសិក្សា ទុតិយភូមិ ឬប្រឡងបាក់ឌុបនាឆ្នាំ២០១១ ថា មានចំនួនសិស្សប្រឡងជាប់កើនឡើងប្រមាណ ១% បើធៀបនឹងការប្រឡងកាលពីឆ្នាំ២០១០ កន្លងទៅ។ អគ្គនាយកនៃអគ្គនាយកដ្ឋានអប់រំក្រសួងអប់រំយុវជន និងកីឡា លោក អ៊ូ អេង មានប្រសាសន៍នៅថ្ងៃទី២០ ខែសីហា ថា ការប្រឡងសញ្ញាបត្រមធ្យមសិក្សាទុតិយភូមិ ឬប្រឡងបាក់ឌុបនាឆ្នាំ២០១១ នេះ មានបេក្ខជនប្រឡងជាប់ជាង ៩ម៉ឺន២ពាន់នាក់ ស្មើនឹងជាង ៨២% ក្នុងចំណោមបេក្ខជនចូលរួមប្រឡងចំនួន ១១១.២៧៩នាក់ នៅទូទាំងប្រទេស។

លោកបន្តថា ការប្រឡងឆ្នាំនេះមានលក្ខណៈខុសប្លែកពីឆ្នាំមុន ដោយសារតែឆ្នាំនេះក្រសួងបានរៀបចំជា ២ផ្នែក គឺផ្នែកវិទ្យាសាស្ត្រ និងវិទ្យាសាស្ត្រសង្គម។ លោកបញ្ជាក់ថា ក្នុងចំណោមបេក្ខជនបេក្ខជនប្រឡងជាប់ជាង ៩ម៉ឺន២ពាន់នាក់ មានបេក្ខជនជាប់និទ្ទេសអា (A) ៥៣នាក់ ដែលសុទ្ធសឹងជាបេក្ខជនផ្នែកវិទ្យាសាស្ត្រទាំងអស់។ និទ្ទេសបេ (B)មាន ២.០២៤នាក់ និទ្ទេសសេ (C) មាន ១២.៤៥៣នាក់ និទ្ទេសដេ (D) មាន ៣៤.៦៤១នាក់ និងនិទ្ទេសអ៊ី (E) ចំនួន ៤៣.០៦៥នាក់។
លោក អ៊ូ អេង មានប្រសាសន៍បន្ថែមថា ៖ «ក្រោយពីយើងបានលទ្ធផលហើយ គឺយើងជូនលទ្ធផលហ្នឹងទៅខាងនាយកដ្ឋានឧត្ដមសិក្សាហ្នឹង គេបែងចែកទៅតាមមហាវិទ្យាល័យ ព្រោះមហាវិទ្យាល័យមួយៗគេត្រូវការនិស្សិតអាហារូបករណ៍អីអ៊ីចឹង គឺគេជ្រើសរើសនៅតាមនិទ្ទេស នៅតាមមុខវិជ្ជា ខាងឧត្ដមសិក្សាគឺគេចាត់ចែងការងារហ្នឹងបន្ត យើងប្រគល់លទ្ធផលហ្នឹងឲ្យគេ»។
ទោះយ៉ាងណា សមាគមគ្រូបង្រៀនបានអះអាងថា ការប្រឡងជាប់ដែលមានតែភាគរយខ្ពស់នោះ គឺមិនបានបង្ហាញពីគុណភាពនៃការអប់រំនៅកម្ពុជាទេ គឺបេក្ខជនប្រឡងជាប់ដោយសារតែការលួចចម្លងទៅវិញ។

លោក រ៉ុង ឈុន ប្រធានសមាគមគ្រូបង្រៀនកម្ពុជាឯករាជ្យ បានថ្លែងថា លទ្ធផលប្រឡងនេះមិនបានឆ្លើយតបទៅនឹងសមត្ថភាពពិតរបស់សិស្សនោះទេ។ លោកថា ដោយសារតែមានភាពមិនប្រក្រតីច្រើនក្នុងពេលប្រឡង ដូចជាការប្រមូលលុយពីបេក្ខជនប្រឡងជាថ្នូរទៅនឹងការចម្លង ការទិញសំណួរចម្លើយ មានមណ្ឌលមួយចំនួនបានធ្វើអត្រាកំណែលក់ឲ្យបេក្ខជន និងមានការទាក់ទងគ្នាតាមទូរស័ព្ទទៅមកជាមួយសាច់ញាតិជាដើម។
លោក រ៉ុង ឈុន បន្ថែម ៖ «ជាការគាប់ចិត្តសម្រាប់ក្រសួងអប់រំ ពីព្រោះក្រសួងអប់រំមិនបានគិតអំពីគុណភាព គេចង់បានតែបរិមាណ។ យើងបានរៀបចំប្រមូលរបាយការណ៍នៅតាមបណ្ដាខេត្តមួយចំនួន។ យើងនឹងគ្រោងលើករបាយការណ៍ទាំងអស់នេះដាក់ជូនក្រសួងអប់រំ ឲ្យក្រសួងធ្វើការស៊ើបអង្កេត វែកមុខរកអ្នកដែលប្រព្រឹត្តអំពើពុករលួយ ជុំវិញការប្រព្រឹត្តទៅនៃការប្រលង»។
យ៉ាងណាក៏ដោយ មន្ត្រីក្រសួងអប់រំដដែលបានទទួលស្គាល់ថា ការងារគ្រប់គ្រងនៅក្នុងពេលប្រឡងនៅមានការខ្វះចន្លោះ។ ប៉ុន្តែលោកបញ្ជាក់ថា ក្នុងចំនួនបេក្ខជនប្រឡងជាង ១១ម៉ឺននាក់នោះ ក្រសួងបានចំណាយបុគ្គលិកអប់រំដល់ទៅ ៣.៥០០នាក់ សម្រាប់ធ្វើការងារក្នុងពេលប្រឡងនោះ។
ការប្រឡងសញ្ញាបត្រមធ្យមសិក្សាទុតិយភូមិ ឬប្រឡងបាក់ឌុបនាឆ្នាំ២០១១ បានប្រព្រឹត្តទៅកាលពីថ្ងៃទី២៥ ដល់ថ្ងៃទី២៧ កក្កដា ឆ្នាំ២០១១ ហើយក្រសួងបានប្រកាសលទ្ធផលប្រឡងជាផ្លូវការនៅភ្នំពេញ ថ្ងៃទី១៩ ខែសីហា និងនៅតាមបណ្ដាខេត្តថ្ងៃទី២០ ខែសីហា៕

អគ្គីភ័យនៅផ្សារស្ទឹងមានជ័យបណ្ដាលឲ្យស្លាប់មនុស្សម្នាក់

អគ្គីភ័យឆេះផ្ទះមួយខ្នង បណ្ដាលឱ្យកូនស្រីម្ចាស់ផ្ទះម្នាក់ស្លាប់ នៅវេលាម៉ោង ៧ និង ២០ នាទីព្រឹកថ្ងៃទី ២២ សីហា ឆ្នាំ ២០១១។

២២-សីហា-២០១១៖ បុរសម្នាក់កំពុងបាញ់ទឹកពន្លត់ភ្លើងផ្សែង ដែលនៅហុយ ក្នុងអគ្គីភ័យមួយនៅសង្កាត់ស្ទឹងមានជ័យ ក្រុងភ្នំពេញ។ (RFA/Tin Zakariya)

អគ្គីភ័យនេះ បានកើតឡើងនៅភូមិស្ទឹងមានជ័យទី១ សង្កាត់ស្ទឹងមានជ័យ រាជធានីភ្នំពេញ។
សាច់ញាតិក្រុមគ្រួសារ និងសាក្សីឃើញផ្ទាល់ភ្នែកបញ្ជាក់ថា កូនស្រីឈ្មោះ កញ្ញា ឌឿ ម៉ូនីកា អាយុ ២០ ឆ្នាំ ជានិស្សិតឆ្នាំទី២ នៃមហាវិទ្យាល័យ វ៉ាន់ដា គណនេយ្យ ជាកូនម្ចាស់ផ្ទះឈ្មោះ ឌឿ សារុំ បានស្លាប់យ៉ាងនៅក្នុងបន្ទប់ ព្រោះមិនអាចរត់ចេញក្រៅបាន ខណៈដែលអគ្គីភ័យកំពុងឆេះសន្ធោសន្ធៅ ហើយក្រុមគ្រួសារ និងអ្នកជិតខាង ក៏មិនអាចចូលទៅជួយសង្គ្រោះបាន ដោយសារតែភ្លើងឆេះខ្លាំងនៅច្រកចេញចូល។
ចៅសង្កាត់រងស្ទឹងមានជ័យ លោក អំ ហឿង ដែលស្ថិតនៅក្នុងហេតុការណ៍អគ្គីភ័យឆេះផ្ទះនោះដែរ ថ្លែងថា ភ្លើងឆេះខ្លាំង និងរហ័សដូច្នេះ ដោយសារផ្ទះនោះ សង់អំពីថ្មខាងក្រោម និងឈើខាងលើ ហើយម្ចាស់ផ្ទះលក់ឥវ៉ាន់ចាប់ហួយ និងមានលក់សំាងផង។
លោក អំ ហឿង៖ «ភ្លើងវាឆាប គឺសកម្មភាពអគ្គីភ័យវាខ្លាំងពេក គឺវាព្រឹបអ៊ីចឹងមក។ គឺថាមិនអាចជួយអ្នកណា ជួយអ្នកណាបាន សូម្បីតែឪពុកមាបង្កើតជាមេភូមិហ្នឹង គាត់ទៅទាន់ហេតុការណ៍ភ្លាមហ្នឹងក៏ជួយអត់បាន ដោយសារតែសកម្មភាពភ្លើងហ្នឹងវាខ្លាំងពេក»។
លោក ហ៊ី ណារិន អធិការខណ្ឌមានជ័យ បានបញ្ជាក់ថា ភ្លើងឆេះនេះ ដើមហេតុបណ្ដាលមកពីឆេះសាំង ដែលម្ចាស់ផ្ទះខ្លួនឯងដាក់លក់នៅក្នុងផ្ទះ។
អគ្គីភ័យបានរលត់ទៅវិញនៅម៉ោងជាង ៩ ព្រឹកថ្ងៃដដែល និងមិនរាលដាលដល់ផ្ទះឈើដទៃទៀត ដែលនៅក្បែរគ្នានោះទេ ដោយសាររថយន្តពន្លត់អគ្គីភ័យជាច្រើនគ្រឿងទៅជួយពន្លត់ទប់ស្កាត់ ទាន់៕

កំពុងដឹកក្របីឱ្យស៊ីស្មៅរន្ទះបាញ់ខ្លោចដើមទ្រូង ឆូតតាំងពីថ្ងាសដល់ភ្លៅ តែមិនស្លាប់

ខេត្តពោធិ៍សាត់ ៖ យុវជនម្នាក់ក្នុងចំណោមពីរនាក់ត្រូវរន្ទះបាញ់ខ្លោចដើមទ្រូង តែសំណាងល្អមិនស្លាប់ ដោយគ្រាន់តែរបួសធ្ងន់ប៉ុណ្ណោះ ។ បាតុភូតធម្មជាតិរន្ទះបាញ់នេះបានកើតឡើងកាលពីរសៀលថ្ងៃទី ១៨ សីហា ២០១១ ដែលយុវជនរងគ្រោះឈ្មោះជា ចាន់រស្មី អាយុ១៩ឆ្នាំ មានទីលំនៅកន្លែងកើតហេតុភូមិថ្គោលតូច ឃុំអន្សារចំបក់ ស្រុកក្រគរ។

ស្ត្រីជាម្តាយយុវជនរងគ្រោះបានប្រាប់កោះ សន្តិភាពថា កាលពីថ្ងៃទី១៨ សីហា ២០១១ នៅភូមិថ្គោលតូច មានភ្លៀងធ្លាក់មួយមេ លុះដល់ម៉ោងប្រហែល៣និង៣០នាទីរសៀល មេឃរាំងភ្លៀង ប៉ុន្តែនៅរលឹមតិចៗ និងមានផ្លេកបន្ទោរនៅឡើយ ។ កូនប្រុសរបស់គាត់ឈ្មោះជា ចាន់រស្មី និងប្អូនប្រុសជីដូនមួយរបស់គេម្នាក់ទៀតឈ្មោះជា ពន្លឺ អាយុ១៤ឆ្នាំ បាននាំគ្នាដឹកក្របីម្នាក់មួយឱ្យស៊ីស្មៅតាមភ្លឺស្រែ។

ដោយឡែកជា ពន្លឺ ដែលរួចផុតពីគ្រោះថ្នាក់រៀបរាប់ប្រាប់ថា ខណៈកំពុងតែដឹកក្របីនោះ ស្រាប់តែមានខ្សែផ្លេកបន្ទោរឆ្វាចភ្លឺមួយចំហៀងមេឃ ប៉ុន្តែពួកគេមិនបានចាប់អារម្មណ៍អ្វីទេ ។ មួយសន្ទុះក្រោយមកមានផ្លេកបន្ទោរភ្លឺមួយចំហៀងមេឃម្តង ទៀត ស្រាប់តែសូររន្ទះបាញ់ឡើងលាន់ផាំង កក្រើកដីដូចហែកមេឃ ប៉ុន្តែគេមិនដឹងថាបាញ់អ្វីនៅទីណាទេ តែពេលក្រឡេកមើលទៅឃើញបងប្រុសរបស់គេ ដេកផ្កាប់មុខក្នុងទឹកស្រែសន្លប់បាត់មាត់ឈឹងទៅហើយ។ ឃើញដូច្នេះជា ពន្លឺ បានទៅលើកផ្ងារឡើងឃើញមានស្នាមខ្លោចពេញដើមទ្រូង និងមានស្នាមឆូតតាំងពីថ្ងាសកាត់តាមពោះ រហូតដល់ភ្លៅ ឯខោអាវរហែករយ៉ៃដូចគេច្រៀកងៀត ក៏រត់មកប្រាប់ម្តាយយុវជនរងគ្រោះនៅផ្ទះ និងដឹកទៅព្យាបាលនៅពេទ្យស្រុក ហើយដោយសារមានសភាពធ្ងន់ធ្ងរពេក ក៏ដឹកបន្តទៅមន្ទីរពេទ្យខេត្តតែម្តង។ម្តាយជនរងគ្រោះសង្ស័យថា រន្ទះកំណាចនេះអាចបណ្តាលមកពីកូនរបស់គាត់ដាក់ទូរស័ព្ទក្នុង ហោប៉ៅ ព្រោះក្មួយប្រុសរបស់គាត់ជា ពន្លឺ និងក្របី២ក្បាលទៀត ដែលនៅក្បែរនោះបែរជាមិនអីទៅវិញ ៕

Related Posts Plugin for WordPress, Blogger...

រថយន្តវីហ្គោបុកក្មេងស្រីអាយុ3ឆ្នាំស្លាប់ពេលបញ្ជូនដល់មន្ទីរពេទ្យ

ខេត្តមណ្ឌលគិរី ៖ ក្មេងស្រីអាយុ៣ឆ្នាំម្នាក់ពេលកំពុងរត់លេងក្បែរចិញ្ចើមផ្លូវ មុខផ្ទះរបស់ខ្លួនត្រូវរថយន្តមា៉កវីហ្គោ ពណ៌ស្ករ ពាក់ស្លាកលេខភ្នំពេញ 2L-1563 បុកបណ្តាលឱ្យស្លាប់នៅពេលបញ្ជូនទៅកាន់មន្ទីរពេទ្យបង្អែក ខេត្ត ។ គ្រោះអកុសលនេះបានកើតឡើងកាលពីវេលាម៉ោង៥និង៥០នាទីល្ងាច ថ្ងៃទី២០ សីហា នៅចំណុចផ្លូវចូលផ្សារសែនមនោរម្យ ស្ថិតនៅក្នុងភូមិកណ្តាល សង្កាត់ស្ពានមានជ័យ ក្រុងសែនមនោរម្យ ។

ក្មេងស្រីរងគ្រោះឈ្មោះសុំ សុខចិន អាយុ៣ឆ្នាំ ជនជាតិវៀតណាម ម្តាយឈ្មោះដូយ ជីដូរ ។ តាមប្រភពព័ត៌មានពីកន្លែងកើតហេតុបានឱ្យដឹងថា មុនពេលកើតហេតុគេឃើញក្មេងស្រីរូបនោះរត់លេងក្បែរចិញ្ចើម ផ្លូវមុខផ្ទះរបស់ខ្លួន ហើយជ្រុលទៅលើដងផ្លូវក៏ត្រូវរថយន្តវីហ្គោ ខាងលើបុកបណ្តាលឱ្យដួលបោកក្បាលនឹងថ្នល់របួសធ្ងន់។ ភ្លាមនោះក្រុមគ្រួសារបានបញ្ជូនក្មេងស្រីរងគ្រោះទៅកាន់ មន្ទីរពេទ្យបង្អែកខេត្ត ប៉ុន្តែជាអកុសលនៅពេលទៅដល់បានរយៈពេលប្រហែលកន្លះម៉ោងក្មេង ស្រីរងគ្រោះក៏បានស្លាប់បាត់ទៅ ។

តាមប្រភពបានឱ្យដឹងទៀតថា អ្នកបើកបររថយន្តនោះឈ្មោះសាន កូដារ ភេទប្រុស អាយុ២០ឆ្នាំ ជាកូនរបស់លោកសាន សំអឿន ម្ចាស់សណ្ឋាគារអឿនសក្ខណា ។ រថយន្តនោះត្រូវបានសមត្ថកិច្ចបញ្ជូនទៅកាន់ការិយាល័យចរាចរណ៍ ខេត្ត ដើម្បីដោះស្រាយតាមនីតិវិធី៕

អ្នកចាក់សាំងដុតខ្លួនដោយសារខឹងប្រពន្ធលែងលះបានស្លាប់ហើយ

រាជធានីភ្នំពេញ ៖ បុរសម្នាក់ដែលខឹងប្រពន្ធលែងលះមិនព្រមជួបជុំជាមួយ ហើយបានចាក់សាំងដុតខ្លួនឆេះរលេះរលួយស្ទើរពេញខ្លួននៅ កណ្តាលផ្លូវលេខ៣៣៦ កែងផ្លូវលេខ២៦១ ក្រុមទី១៤ ភូមិ៤ ទល់មុខផ្ទះលេខ៤០ ក្នុងសង្កាត់បឹងសាឡាង ខណ្ឌទួលគោក កាលពីវេលាម៉ោង៦និង៣០នាទីល្ងាចថ្ងៃទី២០ សីហា ឥឡូវបានស្លាប់បាត់បង់ជីវិតហើយកាលពីវេលាម៉ោង១០យប់ថ្ងៃទី២២ សីហា។

បុរសរងគ្រោះឈ្មោះហេង គឹមឈាន់ អាយុ៣២ឆ្នាំ មុខរបររត់ម៉ូតូឌុប មានស្រុកកំណើតនៅខេត្តកំពង់ចាម មានប្រពន្ធឈ្មោះប៊ូ រ៉ាវី អាយុ៣១ឆ្នាំ មានកូនប្រុសម្នាក់អាយុ៥ឆ្នាំ ស្រុកកំណើតនៅខេត្តកំពង់ចាម ហើយមកស្នាក់នៅជាមួយបងនៅសង្កាត់បឹងសាឡាង ខណ្ឌទួលគោក។

បន្ទាប់ពីបងថ្លៃយកមកព្យាបាលនៅមន្ទីរពេទ្យ ព្រះកុសុមៈកាលពីថ្ងៃកើតហេតុមក ជនរងគ្រោះស្ថិតក្នុងសភាពធ្ងន់ធ្ងរមិនអាចជួយសង្គ្រោះបាន ដោយសារថាការរលាកឈានដល់កម្រិត៧០ភាគរយ ប៉ុន្តែគ្រូពេទ្យនៅតែព្យាយាមសង្គ្រោះឱ្យអស់សមត្ថភាព ។

នៅថ្ងៃទី២១ ម្តាយ និងប្អូនស្រីធ្វើដំណើរពីខេត្តកំពង់ចាមមកមើលថែនៅមន្ទីរពេទ្យ តែមុខរបួសចេះតែធ្ងន់ធ្ងរ និងកាន់តែក្តៅក្នុងខ្លួនឡើងៗ ចំណែកខ្លួននិងមុខឡើងហើម រហូតដល់យប់ថ្ងៃទី២២ ម៉ោង៨យប់ ក្រុមគ្រួសារបាននាំយកទៅស្រុកកំណើតវិញ លុះទៅជិតដល់ស្រុកកំណើតបុរសរងគ្រោះបានដាច់ខ្យល់ស្លាប់នៅ វេលាម៉ោង១០យប់តែម្តង។

ក្រុមគ្រួសារបានតម្កល់ធ្វើបុណ្យតាមប្រពៃណីនៅគេហដ្ឋានភូមិបឹងស្នាយ ឃុំបឹងស្នាយ ស្រុកកំពង់ចាម ខេត្តកំពង់ចាម ៕

អាហ្វ្រិកខាងត្បូង បដិសេធថា មិនបានរៀបចំ កន្លែងសម្រាប់ ហ្គាដាហ្វី រត់គេចខ្លួនទេ

ចូហាន់ណែស្បឺគៈ យោងតាមទីភ្នាក់ងារព័ត៌មានចិន ស៊ិនហួ បានឲ្យដឹងនៅថ្ងៃទី២២ ខែសីហា ឆ្នាំ២០១១ នេះថា ប្រទេស អាហ្វ្រិកខាងត្បូង បានប្រកាសបដិសេធចំពោះព័ត៌មានមួយ ដែលថាប្រទេសខ្លួនបានរៀបចំយន្តហោះ ទៅកាន់ប្រទេសលីប៊ី ដើម្បីនាំយកមេដឹកនាំលោក ម៉ូអាម៉ា ហ្គាដាហ្វី គេចពីប្រទេសលីប៊ីនោះ។

រដ្ឋមន្ត្រីទំនាក់ទំនងការបរទេស របស់អាហ្វ្រិកខាងត្បូង នីកូណា ម៉ាស្សាបាន បាននិយាយ នៅក្នុងសន្និសីទកាសែតមួយថា លោក ហ្គាដាហ្វី នឹងមិនភៀសខ្លួនមកនៅប្រទេសអាហ្វ្រិកខាងត្បូង នោះទេ។ លោកស្រីរដ្ឋមន្ត្រីរូបនេះ បានបញ្ជាក់ទៀតថា បច្ចុប្បន្នយើងក៏មិនបានដឹង ដែរថា លោកហ្គាដាហ្វី កំពុងតែលាក់ខ្លួននៅទីណានោះដែរ។

លោកស្រី ម៉ាស្សាបាន បានបញ្ជាក់ថា ប្រទេសលោកស្រីបច្ចុប្បន្ន ក៏ត្រៀមទទួលស្គាល់រដ្ឋាភិបាល ពួកបះបោរ ជារដ្ឋាភិបាលស្របច្បាប់របស់ប្រទេស លីប៊ីផងដែរ។
គួរបញ្ជាក់ថា កាលពីពេលថ្មីៗនេះ ប្រទេស អាហ្វ្រិកខាងត្បូង បានធ្វើការរិះគន់ទៅប្រទេស មហា អំណាចទាំងឡាយ ដែលព្រួតគ្នា វាយប្រហារប្រទេសលីប៊ី ហើយខ្លួនបានបញ្ជាក់ទៀតថា បើសិនជាប្រទេសទាំងនោះ ព្រមស្តាប់តាមការទាមទារពីប្រទេសអាហ្វ្រិកទាំងអស់នោះ សង្គ្រាមនៅលីប៊ី ក៏មិនអូសបន្លាយយូរ ដល់ពេលនេះដែរ។
ជាងនេះទៅទៀត មេដឹកនាំពិភពលោក លោក ប៉ារ៉ាក់ អូបាម៉ា បាននិយាយថា វាដល់ពេល ហើយ ដែល ហ្គាដាហ្វី ត្រូវចុះចេញ៕

ការងាថ្មី

· Rkumh‘un WINSON GARMENT CAMBODIA LTD

1 cugePA³ ecHeFVImðÚbcin 1éf¶ 3eBl 150dulaør-180dulaørkñúg 1Ex

2 CMnYykarcugePA³ eFVIGnam½y e)akexaGav citbEnø 61dulaørkñúg 1Ex

3 Gnam½y ¬RsI¦ 61dulaørkñúg 1Ex

4 RbFanEpñkedr eRcInrUb R)ak;ExeKalTabbMput 100dulaør ¬bTBiesaFn_ya:g

tic 2qañM¦

5 kmµkrEpñkedr eRcInrUb 61dulaør ¬manedrsuIbug¦

6 RbFan QCeRcInrUb³ R)ak;ExeKalTabbMput 100dulaør ¬bTBiesaFn_ya:gtic

1qañM¦

- eRkABIcugePA manR)ak;bEnßmema:g RbFanEpñkecHcinrwtEtRbesIr R)ak;Exkan;EteRcIn.

Gas½ydaæn³ pøÚvCatielx 4 KILÚEm:Rtelx 33

Tel: 012 632 642

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

ePaCnIydaæn ma: ma: eyIg´RtUvkarbuKÁlik

1 cugePAmðÚbéf RtUvecHPasaéf nigmanbTBiesaFn_ ¬R)ak;Exx<s;¦

2 narIrt;tu RtUvmanrUbsm,tþismrmü GayuBI 18-25qañM

sUmTMnak;TMngmk³ 023 69 22 813/ 017 501 441

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

saßnTUt\NaÐRbcaMRkugPñMeBj RtUvkareRCIserIsbuKÁlikmañk;sMrab;bMerIkargarCaGñk

rt;sMbuRt nige)assMGat. ebkçCnRtUvecHPasaGg;eKøs.

ebkçCnEdlcab;GarmµN_kargarenH sUmepJIrBaküsuMcUlbMerIkargar cab;BIeBlenH

rhUtdl;éf¶TI 5 kBaaØ qañM 2011 mksaßnTUt\NaÐ GaKarelx 5 pøÚv 466

RkugPñMeBj

tamGuIEm:l³ hocembindia@online.com.kh

rWTUrsarelx³ (023) 210 914/ 213 640

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

Rkumh‘un ex vI G xU GilFIDI (K.V.R Co.,LTD) CaRkumh‘unÉkCnbMerIesvakmµsnþisux RtUvkar

eRCIserIsbuKÁliksnþisuxTaMgBIrePTeRcInnak;

- R)ak;ExBI 75dulaør-150dulaør

- pþl;CUnkEnøgsañk;enAcMeBaHGñkmkBIbNaþextþnana

- RBmTaMgpþl;GaharrUbkrN_sMrab;karsikSamhaviTüal½ysMrab;nisSitRkIRk

Gas½ydaæn³ pÞHelx 10Ga pøÚvhaNUy PUmibnaøs¥it sgaát;XµÜj xNÐEsnsux

raCFanIPñMeBj

TUrsBÞ½elx³ 089 89 89 05/ 012 924 972

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

Rkumh‘un paøsÞIkTan;sm½y eyIg´RtUvkareRCIserIsGñkkan;sþúk nigGñkRtYtBinitü

TMnijecjcUl ePTRsI cMnYn 2nak;. Faøb;manbTBiesaFn_kargar 2qañMeLIg

ebImancMNab;GarmµN_ sUmTMnak;TMng

Tel: 012 868 848/ 012 71 12 12

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

Rkumh‘unehaáednehát RtUvkareRCIserIsbuKÁlikEpñkCagePøIg

Gas½ydaæn³ sYn]sSahkmµeBaF×cintug

Tel: 012 332 619

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

hagva:ysb eyIg´RtUvkareRCIserIsbuKÁlikEpñklk; nigEpñkma:sSamux

Gas½ydaæn³ pÞHelx 81 pøÚvelx 128 xNÐ 7mkra raCFanIPñMeBj

Tel: 069 633 759

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

hagma:sSabUBa_eyIg´RtUvkareRCIserIsbuKÁlik³

1 Epñk Cashier ePTRsI cMnYn 3nak;

- manrUbsm,tþismrmü

- Gayucab;BI 19-30qañM

- GacniyayPasacin nigGg;eKøs

- eFVIkarcab;BIema:g 5la¶c dl; 11yb;

2 GñknaMePJov TaMgBIrePT cMnYn 6nak;

- Gayucab;BI 19-26qañM

- ecHniyayPasacin nigGg;eKøsbnþicbnþÜc

- manR)ak;Ex nigR)ak;rgaVn;

3 Gñkma:sSa ePTRsI cMnYn 5nak;

Tel : 023 222 188 / 010 26 98 37

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

Rkumh‘uneyIg´RtUvkareRCIserIsbuKÁlikTaMgBIrePT Epñklk;vIsuIDI R)ak;cab;BI

100dulaør eTA 300dulaør

Gas½ydaæn³ pÞHelx 7D pøÚv 70 ¬eRkaysaþycas;¦

Tel: 017 706 753

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

ePaCnIydaæneyIg´RtUvkareRCIserIs³

- RbFanTIpSar

- emcugePAmðÚbéf nigmðÚbGWr:ub

- emcugePAmðÚbRtCak; eFVIbEg¥mEbbExµr éf

- CagePøIg

- EpñkRKb;RKgePaCnIydaæn nigXaøMg

TMnak;TMngGas½ydaæn³ pÞH 177 mhavifIem:AesTug Citpakev:

Tel: 016 89 11 12/ 081 913 555

Email: xinyong.net888@gmail.com

យូហ្វាឆេមពានលីក វគ្គ Play Off ជើងទី2 សម្រាប់ថ្ងៃអង្គារនេះ

ការប្រកួតបាល់ទាត់យូហ្វាឆេមពានលីកវគ្គ Play Off ជើងទី2 សម្រាប់រាត្រីថ្ងៃអង្គារនេះមាន 5 ប្រកួត ។ ក្រុម Zurich, Genk, APOEL និង Villarreal ត្រូវការសងសឹកគូប្រកួតក្នុងផ្ទះ ។

Malmo V Dinamo Zagreb

Malmo (ស៊ុយអែត) លទ្ធផល 5 ប្រកួតចុងក្រោយគឺ 1-3-1 ។ 3 ប្រកួតចុងក្រោយគឺលេងស្មើ Milan 2-2 ក្នុងផ្ទះ ចាញ់ Dinamo Zagreb 4-1 ក្រៅផ្ទះ តែឈ្នះ GAIS 2-1 ក្នុងផ្ទះ ។

Dinamo Zagreb (ក្រូអាស៊ី) លទ្ធផល 5 ប្រកួតចុងក្រោយគឺ 5-0-0 ។ 3 ប្រកួតចុងក្រោយគឺលេងឈ្នះ Slaven 2-0 ក្រៅផ្ទះ , ឈ្នះ Kralovac 5-0 និងឈ្នះ Malmo 4-1 ក្នុងផ្ទះ ។

ប្រវត្តិជួបគ្នា 1 ប្រកួតគឺ៖
08-11 Dinamo Zagreb 4-1 Malmo

APOEL V Wisla Krakow

APOEL (ស៊ីប) លទ្ធផល 5 ប្រកួតចុងក្រោយគឺ 3-1-1 ។ ការប្រកួតថ្ងៃនេះ APOELត្រូវការសងសឹក Wisla Krakow ក្នុងទឹកដី។ 3 ប្រកួតចុងក្រោយគឺលេងឈ្នះ Slovan 2-0 ក្រៅផ្ទះឈ្នះ Omonia 1-0 ក្នុងផ្ទះតែចាញ់ Wisla Krakow 1-0 ក្រៅផ្ទះ ។

Wisla Krakow (ប៉ូឡូញ) លទ្ធផល 5 ប្រកួតចុងក្រោយគឺ 3-2-0 ។ 3 ប្រកួតចុងក្រោយគឺលេងឈ្នះ Zaglebie 1-0, ឈ្នះ APOEL 1-0 ក្នុងផ្ទះ បន្ទាប់មកលេងស្មើ Korona 0-0 ក្រៅផ្ទះ ។

ប្រវត្តិជួបគ្នា 1 ប្រកួតគឺ៖
08-11 Wisla Krakow 1-0 APOEL

Genk V Maccabi Haifa

Genk (ប៊ែលហ្ស៊ិក) ត្រូវការឈ្នះ Maccabi Haifa 1-0 ថ្ងៃនេះ ដើម្បីឡើងទៅវគ្គបន្ត ។ លទ្ធផល 5 ប្រកួតចុងក្រោយគឺ 2-3-0។ 3 ប្រកួតចុងក្រោយគឺលេងស្មើ Lierse 0-0 ក្រៅផ្ទះ, ស្មើ Waregem 2-2 ក្នុងផ្ទះ បន្ទាប់មកលេងចាញ់ Maccabi Haifa 2-1 ក្រៅផ្ទះ ។

Maccabi Haifa (អ៊ីស្រាអែល) លទ្ធផល 5 ប្រកួតចុងក្រោយគឺ 3-2-0 ។ 3 ប្រកួតចុងក្រោយគឺលេងឈ្នះ Bnei 1-0 ឈ្នះ Genk 2-1 ក្នុងផ្ទះតែចាញ់ Netanya 4-1 ក្រៅផ្ទះ។

ប្រវត្តិជួបគ្នា 1 ប្រកួតគឺ៖
08-11 Maccabi Haifa 2-1 Genk

Villarreal V Odense

Villarreal (អេស្ប៉ាញ) សង្ឃឹមថា នឹងយកឈ្នះ Odense ថ្ងៃនេះ ។ លទ្ធផល 5ប្រកួតចុងក្រោយគឺ 3-0-2 ។ 3 ប្រកួតចុងក្រោយគឺលេងចាញ់ Wigan 1-0, ឈ្នះ Elche 2-0 តែចាញ់ Odense 1-0 ក្រៅផ្ទះទាំង 3 ប្រកួត ។

Odense (ដាណឺម៉ាក) លទ្ធផល 5 ប្រកួតចុងក្រោយគឺ 4-1-0 ។ 3 ប្រកួតចុងក្រោយគឺលេងឈ្នះ Brondby2-1 ក្នុងផ្ទះ ចាញ់ Aalborg 2-1 ក្រៅផ្ទះ តែឈ្នះ Villarreal 1-0 ក្នុងផ្ទះ ។

ប្រវត្តិជួបគ្នា 3 ប្រកួតគឺ៖
07-04 Odense 0-3 Villarreal
07-04 Villarreal 2-0 Odense
08-11 Odense 1-0 Villarreal

Zurich V Bayern

Zurich (ស្វ៊ីស) ទំនងជាមិនអាចសងសឹកក្រុម Bayern បានទេ បើទោះជាលេងក្នុងផ្ទះក៏ដោយ ។ លទ្ធផល 5 ប្រកួតចុងក្រោយគឺ 3-0-2 ។ 3 ប្រកួតចុងក្រោយគឺលេងឈ្នះ Basel 2-1 , ចាញ់ Bayern 2-0 ក្រៅផ្ទះ និងចាញ់ Xamax 2-0 ក្នុងផ្ទះ ។

Bayern (អាល្លឺម៉ង់) លទ្ធផល 5 ប្រកួតចុងក្រោយគឺ 4-0-1 ។ 3 ប្រកួតចុងក្រោយគឺលេងឈ្នះ Wolfsburg 1-0 ក្រៅផ្ទះឈ្នះ Zurich 2-0 និងឈ្នះ Hamburg 5-0 ក្នុងផ្ទះ ។

ប្រវត្តិជួបគ្នា 1 ប្រកួតគឺ៖
08-11 Bayern 2-0 Zurich

Labels

Tuesday, August 23, 2011

​Malmo V Dinamo Zagreb

APOEL V Wisla Krakow

Genk V Maccabi Haifa

Villarreal V Odense

Zurich V Bayern

Malmo V Dinamo Zagreb