សមត្ថកិច្ចបន្ដថា ជនរងគ្រោះឈ្មោះ ជឹម ចាន់ថេត ភេទ ប្រុស អាយុ២៤ឆ្នាំ អតីតជា និស្សិតនៅសាកលវិទ្យាល័យអាស៊ីអឺរ៉ុប បច្ចុប្បន្នស្នាក់នៅផ្ទះជួល សង្កាត់ផ្សារដេប៉ូទី១ ខណ្ឌទួលគោក និងមានស្រុកកំណើតនៅ ខេត្ដកំពង់ចាម។ ភ្លាមៗសមត្ថកិច្ចបានចាប់ ខ្លួនបក្ខពួកជនដៃដល់បានម្នាក់ទាំងយប់ លុះ ព្រឹកឡើងចាប់បានម្នាក់ទៀត រួមនិងម៉ូតូ ម៉ាក Icon ពណ៌ស លាយផ្កាឈូក ពាក់ស្លាកលេខភ្នំពេញ 1AM-3684 មួយគ្រឿង ហើយ ពេលនេះសមត្ថកិច្ចកំពុងស្រាវជ្រាវបន្ដ ខណៈដែលក្រុមអ្នក លេងដៃដល់បានដាក់ មេប្រូចបាត់ស្រមោល។
អធិការនគរបាលខណ្ឌទួលគោក លោក ហួត ចាន់យ៉ារ៉ាន់ បាននិយាយថា បក្ខពួកជន ដៃដល់ដែលចាប់ខ្លួនទាំងនោះ មានទី១-ឈ្មោះ មៀច ពិសិដ្ឋ ភេទ ប្រុស អាយុ២១ ឆ្នាំ និងទី២-ឈ្មោះ ខុម ចន្ដ្រា ភេទ ប្រុស អាយុ២៦ឆ្នាំ ពួកគេមានមុខរបរជាជាងជួស ជុលរថយន្ដនៅយានដ្ឋាន លឹម ហាំងគង់ ស្ថិត នៅក្នុងភូមិ៩ ក្រុម២៤ ផ្លូវលេខ ១៥៦ សង្កាត់ទឹកល្អក់ទី២ ខណ្ឌទួលគោក។ ដោយ ឡែកជនដៃដល់ និងគូកនសរុប៥នាក់ទៀត គឺពេលនេះ កម្លាំងសមត្ថកិច្ចកំពុងតាម ប្រមាញ់។
តាមការបំភ្លឺពីមេការឈ្មោះ ថៃ ថាវី ភេទស្រី អាយុ៣២ឆ្នាំ ត្រូវជាប្អូនថៅកែ ហាងសុវណ្ណា ៩៩៩ ឈ្មោះ ថៃ សុវណ្ណា និង សន្ដិសុខយាមហាងឈ្មោះ ហេង បុបា្ផ បាន រៀបរាប់ថា មុនពេលកើតហេតុប្រមាណជា ម៉ោង ១០យប់ ក្រុមជនរងគ្រោះមានគ្នីគ្នា ៤នាក់ បានចូលទៅផឹកស៊ីក្នុងហាងសុវណ្ណា ៩៩៩ រហូតដល់ម៉ោង១១យប់ថ្ងៃដដែល រំពេចនោះក្រុមជនរងគ្រោះពីរនាក់ បានចាក ចេញទៅផ្ទះរៀងៗខ្លួន ខណៈដែលពួកគេបាន ផឹកស្រាអស់៣ថូ ស្រាប់តែថែម១ថូ ចំស្រា Free ស្របពេលម៉ោង ១១និង៣០នាទី ពេលនោះក៏លេចមុខ ក្រុមជនដៃដល់ចូលមក ផឹកស៊ីដែរ ដែលអង្គុយឃ្លាតពីជនរងគ្រោះ ប្រមាណពី៥ ទៅ ៦ម៉ែត្រ ដោយក្រុមជនដៃ ដល់មានបក្ខពួក ៦ទៅ ៧នាក់ ស្របពេល នោះភាគីខាងក្រុមបង្កដែលគេហៅបានថា ជាក្រុមទំនើងបានសម្លឹងមុខក្រុមជនរងគ្រោះ ដែលមានគ្នាពីរនាក់ ខណៈដែលជនរងគ្រោះ កំពុងឱបរឹតនែបនិត្យនារីខារ៉ាអូខេ ឈ្មោះ ស្រីខួច ដោយមើលឃើញស្ថានភាពឌឺដង និង បញ្ឈឺចិត្ដបែបនេះ ក្រុមអ្នកលេងដៃដល់ក៏ ដើរទៅកៀក រួចក៏យកកែវគប់ចោលទៅលើ ជនរងគ្រោះ បណ្ដាលឱ្យរងរបួស បន្ទាប់មក ពួកគេក៏បានចាក់ផ្ដាច់បំពង់ខ្យល់ជន រងគ្រោះតែម្ដង ពេលនោះជនរងគ្រោះរត់ បានបន្ដិចក៏ដួលស្លាប់ផ្កាប់ មុខនៅលើចិញ្ចើម ផ្លូវមុខហាងផឹកស៊ី សូនីវីដ តែម្ដងទៅ។
ទាក់ទងនិងអំពើឃាតកម្មបែបសាហាវ នេះ ប្រជាពលរដ្ឋបានចោមរោមមើល និង ហួសចិត្ដទៅនឹងទង្វើក្រុមទំនើងដែលបង្កជម្លោះ គ្នាដោយសារស្រី ដែលបង្កភាពចលាចល ធ្វើ ឱ្យបាត់បង់សណ្ដាប់ធ្នាប់សន្ដិសុខសង្គម។ ប៉ុន្ដែអ្វីដែល និងរិះគន់នោះ គឺ ថៅកែហាងផឹកស៊ីខារ៉ាអូខេសុវណ្ណា ៩៩៩ ដែលឃើញទិដ្ឋភាពហិង្សាឃាតកម្មបែបនេះ ហើយបែរជាចង់បង្វែរសំណុំរឿងដោយ ឆ្លើយនៅវេលាយប់អធ្រាត្រថ្ងៃកើតហេតុថា ជនរងគ្រោះគឺរថយន្ដបើកបុក ខណៈដែល សមត្ថកិច្ចសួរនាំ ប៉ុន្ដែសមត្ថកិច្ចមិនជឿការ បកស្រាយបែបដោះសារនេះទេ គឺសមត្ថកិច្ច ក៏បង្ហាញការពិត ដោយសមត្ថកិច្ចចង្អុលមក លើសពជនរងគ្រោះដែលមានស្នាមរយះ បំពង់ក និងលាយឡំកម្ទេចអំបែងកែវ ហូរលាយជាមួយនឹងឈាមរហាចពេញចិញ្ចើមផ្លូវ។ពាក់ព័ន្ធនឹងអំពើឃាតកម្មផ្ទួនៗគ្នាក្នុង ទឹកដីខណ្ឌទួលគោក លោក សេង រតនៈ អភិបាលខណ្ឌ បាននិយាយថា លោកឱ្យសមត្ថកិច្ចធ្វើការស្រាវជ្រាវរឿងនេះ ហើយ លោកនឹងពង្រឹងតាមហាងផឹកស៊ីនៅក្នុងមូល ដ្ឋានរបស់លោក ជាពិសេសគឺលោកនឹងហៅ ម្ចាស់អាជីវកម្មមកប្រជុំដើម្បីពង្រឹងកិច្ចការ នេះ។
សម្រាប់លោក ទូច ណារ៉ុថ ស្នងការ នគរបាលរាជធានីភ្នំពេញ លោកមិនបានធ្វើ ការបកស្រាយឱ្យបានច្បាស់លាស់នោះទេ ពាក់ព័ន្ធករណីអសន្ដិសុខ ក្នុង រាជធានីភ្នំពេញ នោះ។ ប៉ុន្ដែសម្រាប់ប្រជាពលរដ្ឋវិញ បច្ចុប្បន្នកំពុងតែមានក្ដីបារម្ភ ខណៈដែលបទ ល្មើសឧក្រិដ្ឋ ឬអំពើហិង្សាកាប់សម្លាប់បាញ់ បោះអនាធិបតេយ្យ នៅតាមបណ្ដាហាងផឹក ស៊ីក្នុងរាជធានីភ្នំពេញកើតឡើងផ្ទួនៗគ្នា ជាពិសេសគេសង្កេតឃើញថា ហាងផឹកស៊ី មួយចំនួនបើកអាជីវកម្មរហូតដល់វេលា ទៀបភ្លឺឯណោះ ហើយតែងតែបង្កការរំខាន ដំណេកដល់អ្នកជិតខាង និងសម្រែកកងរំពង សំឡេងពីក្រុមក្មេងទំនើង។ ម្លោះហើយ ប្រជាពលរដ្ឋទទូចឱ្យលោក កែប ជុតិមា អភិបាលរាជធានីភ្នំពេញ ក៏ដូចជាលោក ទូច ណារ៉ុថ ស្នងការនគរបាលរាជធានីភ្នំពេញ មេត្ដាពិនិត្យរឿងនេះឱ្យបានម៉ត់ចត់ផង ជាពិសេសគួរណាស់ តែពង្រឹងហាងផឹកស៊ី មួយចំនួន បើបទល្មើសកើតឡើងបែបនេះ អាជ្ញាធរគិតបែបណា?៕
