ខេត្តកំពង់ធំ ៖ មុខសញ្ញាវាយតប់បង្ក របួសស្នាមម្នាក់ក្នុងចំណោមបក្សពួកច្រើននាក់ ត្រូវបាននគរបាលស្រុកបារាយណ៍ឃាត់ខ្លួនកាលពីថ្ងៃទី៩ សីហា បន្ទាប់ពីក្មេងទំនើង២ក្រុមបានប៉ះទង្កិចគ្នាដោយអាវុធបង្កឱ្យមានរបួសស្នាម ទៅលើបក្សពួកម្ខាងទៀតកាលពីវេលាម៉ោង៨និង៣០នាទីយប់ថ្ងៃទី៨ សីហា នៅចំណុចភូមិតាពៅ ឃុំគគីធំ ស្រុកបារាយណ៍។
ការវាយតប់គ្នានេះត្រូវបានមន្ត្រីសមត្ថកិច្ចនិយាយថា ឈ្មោះកែ សុង ហៅសុខ អាយុ២២ឆ្នាំរូបនេះគឺជាជនដៃដល់ម្នាក់ក្នុងចំណោមគូកន របស់ខ្លួនមួយចំនួនដែលរត់គេចខ្លួនក្រោយហេតុការណ៍កើតឡើង និងត្រូវបានឃាត់ខ្លួនបន្ទាប់ពីពួកគេបង្កជម្លោះវាយតប់ធ្វើឱ្យមានរបួសស្នាម ទៅលើភាគីម្ខាងទៀតឈ្មោះហៀង រិទ្ធី អាយុ២១ឆ្នាំ និងឈ្មោះខេង ភា អាយុ២១ឆ្នាំ នៅភូមិពង្រលីង ឃុំក្រវ៉ា ស្រុកបារាយណ៍ បណ្តាលឱ្យរងរបួសធ្ងន់ ។
តាមសាក្សី២នាក់ដែលជាសន្តិសុខភូមិបាន បំភ្លឺប្រាប់សមត្ថកិច្ចថា មុនពេលកើតហេតុគេឃើញក្រុមជនរងគ្រោះ៣ទៅ៤នាក់បាននាំគ្នា ទៅរកទិញសាច់ក្លែមនៅក្នុងភូមិតាពៅ លុះពេលត្រឡប់មកវិញក៏ត្រូវក្រុមជនដៃដល់ស្ទាក់វាយតប់កាប់ចាក់ដោយកាំបិតរហូត រងរបួសធ្ងន់ចំនួន២នាក់ ដោយឡែកក្រុមជនដៃដល់ខ្លះបានរត់គេចបាត់អស់ ។
ការពួនស្ទាក់វាយតប់កាប់ចាក់គ្នាបង្ករបួសស្នាម ខាងលើនេះពួកគេពុំមានជម្លោះអ្វីទេ ប៉ុន្តែជាការសងសឹកគំនុំចាស់របស់ពួកក្មេងទំនើងទាំង ពីរក្រុមដែលពួកគេធ្លាប់ឈ្លោះប្រកែកគ្នាពីមុនមក ។ ក្រៅពីអ្នករបួសដឹកទៅពេទ្យ អ្នកមិនរត់គេចខ្លួនត្រូវសមត្ថកិច្ចឃាត់ខ្លួនកសាងសំណុំរឿង បញ្ជូនទៅសាលាដំបូងខេត្តនៅព្រឹកថ្ងៃទី១១ សីហា ។ សូមបញ្ជាក់ថា ចំណុចទាំង៥យ៉ាងនៃការអនុវត្តគោលនយោបាយភូមិ-ឃុំមានសុវត្ថិ ភាពគឺការរួមគ្នាអនុវត្តឱ្យខាងតែបាន និងមិនបណ្ដោយឱ្យមានចំណុចណាមួយកើតឡើងនោះឡើយ ៕
No comments:
Post a Comment