ពេជ្រ សោភា នៅទាក់ទងប្តីគេ

តាមការ បង្ហើបប្រាប់ ពីមិត្ត អ្នកអានម្នាក់ ដែលបានទៅ កាត់សក់នៅ ក្នុងហាងរបស់នាង កាលពីចុង សប្តាហ៍ទីមួយ នៃខែកក្កដា ឆ្នាំ ២០១១ កន្លងទៅ ឱ្យដឹងថា មានបុរសម្នាក់ និង ស្ត្រីម្នាក់ជិះ រថយន្ត មកឈប់នៅមុខ ហាងកាត់សក់ ពេជ្រ សោភា រួចបុរសម្នាក់នោះ បានចុះពី រថយន្ត ដើរចូលក្នុងហាង រក ពេជ្រ សោភា ប៉ុន្តែដោយនាង មិននៅទីនោះ ទើបមុននឹង ចាកចេញ បុរសម្នាក់នោះ បានផ្តាំផ្ញើជា ពាក្យសម្តីថាឱ្យ ពេជ្រ សោភា ឈប់ទាក់ទង ជាមួយបុរស ជាប្តីគេទៀត រួចក៏ឡើងជិះ រថយន្ត ដែលមានស្ត្រីម្នាក់ អង្គុយចាំក្នុង រថយន្តនោះ រួចបើកចេញទៅ ។

ស្ត្រីដែលគេឃើញ អង្គុយចាំក្នុង រថយន្តនោះ ត្រូវបានគេនិយាយ ខ្សឹបខ្សៀវថា ជាអ្នកដែលធ្លាប់ បានចូលទៅក្នុង ហាងកាត់សក់របស់ ពេជ្រ សោភា ម្តងកាល ពីលើកមុនដែរ ដោយកាលនោះ ស្ត្រីរូបនោះបាន ប្រាប់ ពេជ្រ សោភា ថា “សុំនាងមេត្តា ឈប់ទាក់ទង ជាមួយប្តីខ្ញុំទៀត” ។


ដោយចង់បាន នូវព័ត៌មានពិត អ្នកយកព័ត៌មាន ក៏បានជួបជាមួយ ពេជ្រ សោភា តាមទូរស័ព្ទ កាលពីថ្ងៃទី ១៥ ខែកក្កដា ឆ្នាំ ២០១១ ដើម្បីឱ្យនាង បកស្រាយ ពីរឿងនោះ តែត្រូវបាននាង បដិសេធថា មិនមានរឿង ហេតុដូច្នេះ កើតឡើងទេ ។ នាង និយាយថា “វាជារឿងចាស់ទេ គេនិយាយ ខុសរឿងអាច ថាមកពីគេ ច្រឡំច្រើនជាង ហើយបើមិនជឿខ្ញុំទេ សាកសួរតែ អ្នកជិតខាង ក៏បាន ព្រោះខ្លួនខ្ញុំមិនបាន ពាក់ព័ន្ធជាមួយ ប្តីអ្នកណាទេ ។ កុំជឿ រឿងនោះ ធ្លាប់មានគេ និយាយម្តងហើយ ។