កំពត ៖ ប្រជានេសាទនិងអាជីវដែលរកស៊ីទទួយចាំទិញត្រីនិងបង្ការលក់បន្ត ព្រមទាំងអ្នកដំណើរជាច្រើន ទៅមកមានការភ្ញាក់ផ្អើលឆោឡោទាំងព្រឹកព្រលឹមស្រាងៗ ដោយបានប្រទះឃើញសពទារិកាម្នាក់នៅមាត់ឆ្នេរខ្សាច់ព្រែកកំពតក្បែរ កំពង់ទូកឆៀងខាងត្បូងអគាររបស់ក្រុមប្រឹក្សាខេត្តកំពតបានកើតឡើង កាលពីថ្ងៃទី២៩ខែកក្កដាឆ្នាំ២០១១នៅវេលាម៉ោង៥និង៥០នាទីស្ថិត ក្នុងភូមិសុវណ្ណសាគរ សង្កាត់កំពង់កណ្ដាល ក្រុងកំពត។
តាមប្រភពព័ត៌មានមួយពីអ្នកដែលបានទៅចោមរោម មើលបាននិយាយថានេះគឺជាភាពអមនុស្សធម៌មកពីឪពុកម្តាយរបស់ទារក មិនគួរបង្កើតកូនហើយយកទៅបោះបង់គ្នាចោលក្នុងទឹកដូច្នេះនោះទេទោះ បីជាមានការខឹងឪពុកទារកយ៉ាងណាក្ដីក៏មិនត្រូវយកគ្នាទៅស្លាប់ចោលឡើយ ព្រោះគ្នាទើបតែកើតមកបានឃើញពន្លឺព្រះអាទិត្យតែប៉ុន្មានម៉ោងសោះហើយ ក៏គ្មានទោសពៃអ្វីឡើយចំណែកអ្នកដទៃទៀត។
ប្រភពពីអ្នកទូកនេសាទម្នា ក់បានរៀបរាប់ថា បន្ទាប់ពីចូលទូកដល់កំពង់ វេលាព្រលឹមស្រាងៗ គាត់បានចុះដើរសំដៅមកខាងជើងបន្តិច ស្រាប់តែប្រទះឃើញរបស់អ្វីម្យ៉ាងរុំពណ៌សចម្លែកក៏មានការឆ្ងល់ ដើរទៅមើល។
ខណៈពេលនោះគាត់ដើរជិតដល់ក៏ ឱនចុះមើលបានឃើញច្បាស់ជាសពកូនង៉ាទើបកើតហើយក៏ស្រែកប្រាប់គេឯងឱ្យមកមើល ទើបមានការភ្ញាក់ផ្អើលនាំគ្នាមកពិនិត្យមើលគ្រប់ៗគ្នារហូតដឹងដល់ សមត្ថកិច្ចចុះមកពិនិត្យតែម្ដង។
មន្ត្រីប៉ូលិសក្រុងកំពតបានប្រាប់បញ្ជាក់ថាទារក មួយនេះភេទស្រីហើយអាចទើបនិងកើតចេញភ្លាមបានប្រហែលជា៣ទៅ៥ម៉ោងត្រូវគេយកមក ទម្លាក់ចោលក្នុងទឹកព្រែកតាំងពីមួយថ្ងៃមកម្លេះឬ មួយក៏បន្ទាប់ពីឆ្លងទន្លេភ្លាមៗស្លាប់រួចទើបគេយកមកផ្លុងចោលក្នុងទឹក ហើយរសាត់អណ្តែតតាមទឹកមកជាប់លើជ្រាំងនេះ ព្រោះសពមានលក្ខណៈហើម ព្រមទាំងមានជាប់ទងផ្ចិតមកជាមួយផង។
ប៉ូលិសនិងប្រជាជន នៅកន្លែងប្រទះឃើញសាកសពទារក ដែលមានមនុស្សម្នាផ្អើលចោមរោមមើលនោះពួកគាត់បាននិយាយពីភាពអមនុស្សធម៌ របស់ម្ដាយដែលបង្កើតកូនចេញមកមិនគួរណាស់ដាច់ចិត្តឡើយ ដែលមានចិត្តព្រៃផ្សៃហ៊ានសម្លាប់ជីវិតកូនសត្វលោក ។ប៉ូលិសក្រុងកំពតបានបញ្ជាក់អោយដឹងថាលោកនិងធ្វើការស្រាវ ជ្រាវរកម្ដាយចិត្តអាប់ព្រៃនេះយកមកធ្វើការព្រមានតាមផ្លូវច្បាប់៕
No comments:
Post a Comment