ដឹងខ្លួនផ្ទុក​​ មេរោគអេដស៍ លោតទឹក​ សម្លាប់ខ្លួន ក្នុងទន្លេ

ភ្នំពេញៈ បុរសម្នាក់ ត្រូវបាន ប្រជាពលរដ្ឋ ប្រទះឃើញសាកសព អណ្តែតទឹកទន្លេ កាលពីវេលា ម៉ោង៩ និង២០នាទី ថ្ងៃទី២៨ ខែកក្កដា ឆ្នាំ២០១១ ស្ថិតនៅក្នុងសង្កាត់ ផ្សារកណ្តាល១ ខណ្ឌដូនពេញ រាជធានីភ្នំពេញ ។ទាក់ទឹននឹងករណីនេះ ម្តាយជនរងគ្រោះ បានអះអាងថា ការស្លាប់របស់បុរសនេះ បណ្តាលមកពីគេតូចចិត្ត នឹងខ្លួនបានផ្ទុក មេរោគអេដស៍ ។

ប្រភពព័ត៌មាន ពីមន្ទីរពេទ្យ បានឱ្យដឹងថា ជនរងគ្រោះមានឈ្មោះ ឈន វង់ ភេទប្រុស អាយុ៣៥ឆ្នាំ រស់នៅក្នុងផ្ទះលេខ៨៦ ជាន់ទី២ ផ្លូវលេខ១៣៦ សង្កាត់ផ្សារកណ្តាល២ ខណ្ឌដូនពេញ រាជធានីភ្នំពេញ ។បើតាមសម្តីរបស់ម្តាយ ជនរងគ្រោះ បានរៀបរាប់ថា ឈន វង់ ជាកូនម្នាក់ ដែល ម្តាយឪពុក ពិបាក ប្រដៅ ហើយមិនដែលស្តាប់ទេ ។ រូបគេបានចាកចេញ ពីផ្ទះរយៈពេល២-៣ខែ មកហើយ ។ ម្តាយជនរងគ្រោះនោះ បន្តទៀតថា នៅយប់មុនថ្ងៃកើតហេតុ ជនរងគ្រោះ បានមកគោះទ្វារផ្ទះ ហៅឱ្យបើកឱ្យ ២ដង ប៉ុន្តែគ្មាន នណារបើកឱ្យគេឡើយ លុះដល់ព្រឹកកើតហេតុ ស្រាប់តែលេចឮ ដំណឹងថា បានស្លាប់ដោយលោតទឹក សម្លាប់ខ្លួនបាត់ទៅហើយ ។បច្ចុប្បន្នសាកសព ជនរងគ្រោះត្រូវបាន សមត្ថកិច្ចកំពុង ត្រួតពិនិត្យ ដោយមានឃើញ ស្នាមរយះ នៅជាប់កញ្ចឹងក ដូចជាស្នាមឡាម ប៉ុន្តែពុំទាន់មានការសន្និដ្ឋាន ចំពោះករណីនេះ នៅឡើយទេ ។