ឈឿន ឆៃដែន ជាអ្នកប្រដាល់ស្រករក្រោយ មិនធ្លាប់ប្រកួតជាមួយ រៀម វណ្ណៈ នោះទេ។ ឈឿន ឆៃដែន មានថ្វីដៃល្អមិនចាញ់អ្នកប្រដាល់ជើងចាស់ប៉ុន្មានឡើយ។ មិនតែប៉ុណ្ណោះគេមានចិត្តធំថែមទៀត។ ការប្រកួតចុងក្រោយរបស់ ឈឿន ឆៃដែន គឺវាយឈ្នះ ផាន់ សារុន អ្នកប្រដាល់ក្លឹបគុជសារកីឡាដោយពិន្ទុ។
សម្រាប់ការប្រកួតជាមួយ រៀម វណ្ណៈ លើកនេះ ឆៃដែន ប្រហែលជាពិបាកទប់ទល់ណាស់ ដោយសារ រៀម វណ្ណៈ គេវាយបុកខ្លាំង ហើយជាអ្នកប្រដាល់ជើងចាស់ដែលមានបទពិសោធន៍ច្រើនក្នុងការប្រកួត ថែមទៀត។
រៀម វណ្ណៈ គេប្រកួតចុងក្រោយវាយចាញ់ ង៉ែត រដ្ឋា អ្នកប្រដាល់ក្លឹបក្រសួងមហាផ្ទៃដោយពិន្ទុកាលពីថ្ងៃទី ១៦ ខែកក្កដា ឆ្នាំ២០១១។ លើកនេះ រៀម វណ្ណៈ អាចយកឈ្នះ ឈឿន ឆៃដែន បានឬអត់?។ប៉ុន សុភាន អ្នកប្រដាល់ក្លឹបមជ្ឈមណ្ឌលកំចាត់មីនកម្ពុជា ត្រូវជួបប្រកួតជាមួយ ហៀប សំណាង អ្នកប្រដាល់ក្លឹបឃ្លាំងមឿង។ ពួកគេទាំងពីរនេះប្រកួតគ្នាក្នុងប្រភេទទម្ងន់៦៣,៥០០គីឡូក្រាម។
ហៀប សំណាង ជាអ្នកប្រដាល់ថ្មី មិនធ្លាប់ដែលប្រកួតជាមួយ ប៉ុន សុភាន ម្ដងណានៅឡើយទេកន្លងមក។ សំណាង មានឈ្មោះតែ ជាអ្នកប្រដាល់ថ្មីទេ ប៉ុន្តែគេមានស្នៀតប្រដាល់ល្អ រហ័សរហួន វាយលុក មិនខ្លាចញញើតនោះទេ។រវាងពួកគេទាំងពីរនេះមិនដឹងថាអ្នកណាមានប្រៀបជាងអ្នកណាទេ ព្រោះពួកគេមិនធ្លាប់ប៉ះគ្នា។ ចាំមើលតើរវាងពួកគេទាំងពីរអ្នកណាជាអ្នកឈ្នះក្នុងការប្រកួត នេះ?៕
No comments:
Post a Comment