ខេត្តមណ្ឌលគិរី ៖ ស្ត្រីវ័យចំណាស់ម្នាក់ជាជនជាតិព្នងភាគតិច រស់នៅភូមិជ្រៃសែន សង្កាត់មនោរម្យ ក្រុងសែនមនោរម្យ ត្រូវបានគេប្រទះឃើញចង.កស្លាប់ នៅនឹងដើមដង្កៀបក្តាម ក្បែរបន្ទាយទាហានខេត្ត ក្នុងក្រុងសែនមនោរម្យ បង្កឱ្យមានការភ្ញាក់ផ្អើលកាលពីវេលាព្រឹកថ្ងៃទី១៨ កញ្ញា ២០១១។
តាមការរៀបរាប់ពីកូនប្រសារបស់សពស្ត្រីចំណាស់ នេះបានឱ្យដឹងថា ម្តាយក្មេកដែលចង.កសម្លាប់ខ្លួននេះឈ្មោះធឿង ធឿត អាយុប្រហែល៥០ឆ្នាំ និងមានកូនចៅជាច្រើននាក់។ គាត់បានបន្តទៀតថា តាមការសង្កេតមួយរយៈកន្លងមកនេះ ម្តាយក្មេករបស់គាត់ដូចជាមានការខ្វល់ខ្វាយពិបាកចិត្តខ្លាំងណាស់ ដោយសារតែកូនប្រុសរបស់គាត់ម្នាក់ បានដើរពាលាអាវ៉ាសែ បំផ្លិចបំផ្លាញទ្រព្យសម្បត្តិ និងលុយកាក់របស់គាត់អស់ជាច្រើន ដូច្នេះហើយទើបរូបគាត់ចេះតែគិតច្រើន ណាមួយស្ថានភាពក្នុងគ្រួសារកាន់តែធ្លាក់ដុនដាបទៅៗ ។
ចំណែកឯកូនប្រុសដែលតែងតែបំផ្លាញទ្រព្យ សម្បត្តិនោះ បច្ចុប្បន្នត្រូវជាប់គុកទៀតផង។ នេះជាបញ្ហាមួយដែលកូនចៅទាំងអស់នៅក្នុងផ្ទះកត់សម្គាល់ឃើញថា អារម្មណ៍ និងអត្តចរិតរបស់ម្តាយហាក់បីដូចខុសប្រក្រតី ព្រោះរូបគាត់ចូលចិត្តហូបស្រាច្រើន ។
សពស្ត្រីខាងលើត្រូវបានប៉ូលិសជំនាញនៃស្នងការ ដ្ឋាននគរបាលខេត្តធ្វើកោសល្យវិច័យ រួចរាល់ និងប្រគល់សពជូនសាច់ញាតិចាត់ចែងធ្វើបុណ្យតាមប្រពៃណី នៅម៉ោង៩ព្រឹកថ្ងៃទី១៨ កញ្ញា ៕
No comments:
Post a Comment