បើកលឿន​ ជ្រុលចង្កូត បុកបង្កាន់ ដៃស្ពាន ស្លាប់១របួស១

ភ្នំពេញ ៖ គ្រោះថ្នាក់ចរាចរណ៏ បណ្តាលឲ្យយុវជនម្នាក់ បានបាក់ក ស្លាប់ភ្លាមៗ និងម្នាក់ទៀតរងរបួសធ្ងន់ខណៈ កំពុងបើកម៉ូតូល្បឿន លឿនជ្រុលចង្កូចបុកបង្កាន់ ដៃស្ពាន៧ មករាកាលពីវេលាម៉ោង៤និង២០នាទីល្ងាចថ្ងៃទី០៣ ខែសីហា ឆ្នាំ២០១១ ស្ថិតនៅលើស្ពាន៧មករា ភូមិក្រាំងពង្រ សង្កាត់ក្រាំង ពង្រខណ្ឌដង្កោ។

ជនរងគ្រោះដែលបាន ស្លាប់ក្នុងហេតុការណ៍នេះ ឈ្មោះ សាំង តួ អាយុ ២០ឆ្នាំ មានមុខរបរជាបុគ្គលិកបម្រើការនៅភោជ នីយដ្ឋាន រស្មីពោធិចិន តុង តាមបណ្តោយ ផ្លូវលេខ២០០៤ និងមានស្រុកកំណើត នៅភូមិច្រនាងទេរ ឃុំកន្ថោខាងកើត ស្រុកកំពង់ត្រាច ខេត្តកំពតស្លាប់ភ្លាមៗនៅកន្លែងកើតហេតុ។ចំណែកអ្នកជិះជាមួយ ម្នាក់ទៀតឈ្មោះភីសំរិទ្ធ រងរបួសធ្ងន់កំពុងត្រួវបានជួយសង្រ្គោះនៅមន្ទីរពេទ្យ។អ្នកទាំងពីរជិះម៉ូតូ ម៉ាកហុងដា សេ១២៥ ពណ៌ខ្មៅស៊េរី២០០៥ ពាក់ស្លាកលេខ ភ្នំពេញ 2D-5861 ។មុនពេល កើតហេតុជនរងគ្រោះទាំង២នាក់បានចេញពីភោជនីយដ្ឋានពោធិចិនតុង ហើយបានជិះម៉ូតូ សេ១២៥ តាមផ្លូវជាតិលេខ៣ ពីជើងទៅត្បូង ក្នុងល្បឿនលឿនគោលបំណងទៅស្រុកកំណើត នៅខេត្តកំពត។ លុះដល់កន្លែងគ្រោះថ្នាក់ក្នុងស្ថានភាពផ្លូវកោង ស្រាប់តែជ្រុលចង្កូតបុកបង្កាន់ដៃស្ពាន់៧មករា បណ្តាលឲ្យតៃកុងផ្លោងហូសម៉ូតូទៅបុកបង្កាន់ស្ពាន បោកក្បាលបាក់កស្លាប់ភ្លាមៗតែម្តង ។
បច្ចុប្បន្នសពជនរងគ្រោះត្រូវបានក្រុមគ្រួសារយកទៅធ្វើបុណ្យតាមប្រពៃណី៕