ភ្នំពេញ ៖ បុរសវ័យក្មេងម្នាក់ដែលមានអាយុប្រហែលជាង ២០ឆ្នាំ ត្រូវបានគេប្រទះឃើញស្លាប់ដោយសារជិះម៉ូតូលឿនពេកនៅពេលយប់ ជ្រុលចង្កូតបុករបងថ្ម មួយកន្លែងនៅតាមបណ្ដោយផ្លូវបេតុងក្នុងភូមិថ្មី សង្កាត់ ភ្នំពេញថ្មី ខណ្ឌសែនសុខកាលពីម៉ោង ២០និង ៣០នាទី នាយប់ថ្ងៃទី ០៧ ខែ សីហា ឆ្នាំ២០១១។សាក្សីនិយាយប្រាប់កម្លាំងសមត្ថកិច្ចប៉ូលិសមូលដ្ឋានថា នៅមុនពេលកើតហេតុ គេបានឃើញជនរងគ្រោះ ជិះម៉ូតូយ៉ាងលឿនតែម្នាក់ឯង តាមបណ្ដោយផ្លូវបេតុង លុះមកដល់ចំណុចមុខដីឡូត៍ លេខ ៧២ ក៏គេចឆ្កែ ដើមឆ្លងផ្លូវជ្រុលចង្កូតបុករបងថ្មប្រាវតែម្ដង។
នៅកន្លែងកើតហេតុប៉ូលិសបានឆែកឆេរក្នុងខ្លួនសាកសព ជនរងគ្រោះដើម្បីរកអត្តសញ្ញាណ ប៉ុន្តែ ពុំមានឯកសារអ្វីបញ្ជាក់ សោះទំនងជានៅពេលកើតហេតុភ្លាមៗ មានអ្នកទៅជួយសង្គ្រោះ បន្លំលូកយកកាបូបលុយក្នុងហោប៉ៅជនរងគ្រោះ ព្រោះប៉ូលិសនៅឆ្ងាយហើយមិនដឹងរឿង គ្រោះថ្នាក់នេះភ្លាមៗនោះទេ។ដោយសារសាកសពពុំត្រូវបានគេស្គាល់អត្តសញ្ញាណប៉ូលិសបានយកទៅតម្កល់ ទុកនៅវត្ត ទឹកថ្លា តែម្ដងដើម្បីរង់ចាំសមាជិកក្រុមគ្រួសារមកយកទៅធ្វើបុណ្យ។
ចំណែកម៉ូតូជនរងគ្រោះម៉ាក CLICK ស៊េរី២០១១ ពាក់ស្លាកលេខ ភ្នំពេញ 1G –7675 ដ៏ថ្មី ត្រូវបានប៉ូលិសនាំយកទៅរក្សាទុកនៅអធិការដ្ឋាននគរបាលខណ្ឌសែនសុខផងដែរ ដើម្បីរង់ចាំក្រុមគ្រួសារមកទទួលយក ប៉ុន្តែត្រូវមានឯកសារបញ្ជាក់ភិនភាគម៉ូតូទើបបាន។ការបើកបរធ្វើប្រហែសបណ្ដាលឲ្យមានគ្រោះថ្នាក់ដល់ អ្នកដទៃ និងខ្លួនឯងយ៉ាងដូច្នេះឯង៕
No comments:
Post a Comment