ពួកសកម្មជនសិទ្ធិមនុស្សគូសបញ្ជាក់ ប្រាប់AFP ថា រថក្រោះទាំងឡាយរបស់កងទ័ពស៊ីរីកាលពីព្រឹកថ្ងៃទី៧ សីហា បានវាយលុកលើទីក្រុង DEIR EZZOR ភាគខាងកើតប្រទេស។ នាយករបស់អង្គការត្រួតពិនិត្យសិទ្ធិមនុស្សស៊ីរី OSDHមានមូលដ្ឋាននៅទីក្រុងឡុងដ៍ លោករ៉ាមី អាប់ដែល រ៉ាហ៍ម៉ាន់ អះអាងប្រាប់AFP ថា រថក្រោះជាច្រើនគ្រឿងបានលុកចូលក្នុងសង្កាត់ជាច្រើននៅទីក្រុង នោះ ហើយការបាញ់ប្រហារកើតមានយ៉ាងតិច៣កន្លែង។
យោងតាមលោកអាប់ដែល រ៉ាហ៍ម៉ាន់ ថារថក្រោះ និងរថពាសដែកដឹកទ័ពប្រមាណជា២៥០គ្រឿងបានចូលរួមក្នុងការវាយលុក នេះ។ ចំណែកគណៈកម្មាធិការសម្របសម្រួលក្នុងស្រុក LCC ដែលសហការជាមួយពួកបាតុករប្រឆាំងនឹងរបបលោកបាចាអាល់ អាសាដ អះអាងថា កងទ័ពបានលុកចូលក្នុងសង្កាត់៩នៃទីក្រុង DEIR EZZOR និងថា មានស្នូរផ្ទុះយ៉ាងខ្លាំងនានាត្រូវបានស្លាប់ឮក្នុងទីក្រុងនេះ។
ការវាយប្រហារលើទីក្រុង DEIR EZZOR ធ្វើឡើងប៉ុន្មានម៉ោងប៉ុណ្ណោះ បន្ទាប់ពីអគ្គលេខាធិការអ.ស.ប លោកបាន គីមូន ស្នើតាមទូរស័ព្ទដល់ប្រធានាធិបតីស៊ីរីឱ្យបញ្ចប់យុទ្ធនាការយោធា ប្រឆាំងពួកបះបោរ។ កងទ័ពស៊ីរីកាលពីថ្ងៃទី៦ សីហា នៅរក្សាការហ៊ុមព័ទ្ធទីក្រុងហាម៉ានៅកណ្តាលប្រទេសស៊ីរីដែលនៅទី នោះជនស៊ីវិលយ៉ាងតិច២៤នាក់បានត្រូវស្លាប់ កាលពីថ្ងៃទី៥ សីហា កន្លងមកនេះក្នុងការបង្ក្រាបបាតុកម្ម។ ម្យ៉ាងវិញទៀត ប៉ូលិសសម្ងាត់ស៊ីរីកាលពីថ្ងៃទី៦ សីហា បានចាប់ខ្លួនមេដឹកនាំប្រឆាំងលោកវ៉ាលីដ អាល់ប៊ូន ជាសត្រូវចាប់តាំងពី យូរមកហើយរបស់គណបក្ស BAAS ដែលកាន់អំណាចនៅក្រុងដាម៉ាស់ ៕
No comments:
Post a Comment