ខេត្តស្វាយរៀង នេះពុំសូវមានតំបន់ទេសចរកំសាន្តច្រើនដូចបណ្ដាខេត្តនានា ក្នុងប្រទេសនោះទេ។ ក្រៅពីតំបន់ កំសាន្តច្រកព្រំដែនបាវិត គឺមានតំបន់មួយទៀតដែលសម្បូរភ្ញៀវទេសចរក្នុងស្រុកទៅកំសាន្ត។ តំបន់នោះគឺព្រៃបាសាក់ ដែលមានទីតាំងឋិតនៅក្នុងស្រុកស្វាយរៀង ចម្ងាយប្រមាណ៩គីឡូម៉ែត្រពីរួមខេត្ត ជាប់នឹងដងទន្លេវៃកូ។ តំបន់ នេះជាតំបន់ព្រៃស៊ុបទ្រុប មានផ្ទៃក្រឡាប្រមាណ៨៤ម៉ែត្រការេ ជាតំបន់ព្រៃប្រាសាក់ មានភូមិសាស្ត្រជាដីទួល ដែលបន្សល់តាំងពីបរមបុរាណមកម្ល៉េះ។ ដូចនេះគេអាចស្វែងយល់អំពីវប្បធម៌ខ្មែរផងដែរ ប្រពៃណី វប្បធម៌ ទំនៀមទម្លាប់ របស់ខ្មែរបុរាណហាក់បង្កប់នៅទីកន្លែងនោះដើម្បីរង់ចាំអ្នកសិក្សា ស្រាវជ្រាវ។ ដោយសារតែសង្គ្រាមបានបំផ្លិចបំផ្លាញ ទីកន្លែងនោះស្ទើរពុំមានសល់នូវស្លាកស្នាមអ្វីទាំងអស់ ប៉ុន្តែបច្ចុប្បន្ននេះតំបន់នេះត្រូវបានគេខិតខំអភិវឌ្ឍន៍ កែ ប្រែមុខមាត់បន្តិចម្ដងៗដើម្បីក្លាយជាតំបន់ទេសចរប្រចាំនៅក្នុងខេត្ត នេះ។
No comments:
Post a Comment