-ស្ទឹងកុយ
ឋិត ក្នុងភូមិកុយ សង្កាត់ស្ទឹងកាច់ ខណ្ឌសាលាក្រៅ រមណីយដ្ឋានស្ទឹងកុយជាតំបន់ទេសចរធម្មជាតិមួយក្នុងខេត្តទឹកដីត្បូង ពេជ្រ ដែលមានទេសភាពស្រស់ស្អាត មានតាំងពីយូរលង់ណាស់មកហើយ។ តំបន់នេះមានព្រៃឈើខៀវស្រងាត់អមនៅសងខាងទឹកស្ទឹងថ្លាឈ្វេងត្រជាក់ ស្រឹប លាយឡំជាមួយនឹងខ្យល់អាកាសបរិសុទ្ធ អាចឱ្យទេសចរនានា ទៅកម្សាន្តបានទាំងរដូវប្រាំង និងវស្សា។ តំបន់នេះផងដែរត្រូវបានគេរំពឹងទុកថានឹងក្លាយជាតំបន់ទេសចរគំរូមួយ ក្នុង ខេត្តត្បូងពេជ្រនេះ ដែលអាចទាក់ទាញភ្ញៀវទេសចរបានច្រើន។
-ភ្នំយ៉ាត
តំបន់ វប្បធម៌ដ៏សំខាន់ក្នុងខេត្តនេះពិតជាផ្ដល់ការចាប់អារម្មណ៍ដ៏លើសលប់ សម្រាប់អ្នកដែលបានធ្វើដំណើរ មកកាន់ទឹកដីនេះ។ នោះគឺភ្នំយ៉ាត រមណីយដ្ឋានវប្បធម៌ និងប្រវត្តិសាស្ត្រ ដែលមានទីតាំងឋិតនៅក្នុងខេត្តប៉ៃលិន តាមផ្លូវជាតិលេខ។ ទីនេះក៏ជាតំបន់សក្តិសិទ្ធមួយក្នុងក្រុងផងដែរ ព្រមទាំងជាទីតាំងដែលនៅសល់រ៉ែត្បូងច្រើនជាងគេក្នុងចំណោមទីតាំងរែង ត្បូងសំខាន់។ ភ្នំយ៉ាតមានកម្ពស់៦០ម៉ែត្រ បណ្តោយ៧០០ម៉ែត្រ និងទទឹង៣០០ម៉ែត្រ មានកាំជណ្តើរឡើងទៅដល់កំពូលភ្នំសរុបចំនួន៤២កាំ។ វត្តនៅលើភ្នំយ៉ាតសាងសង់ឡើងជារបៀបជនជាតិកូឡា ដែលរស់ នៅតំបន់នោះ។
ក្រៅពី ភ្នំយ៉ាតទីតាំងប្រសិទ្ធ ក្នុងខេត្តនេះនៅមានតំបន់គួរឱ្យចាប់អារម្មណ៍ជាច្រើនទៀតដូចជា វត្តរតន សោភ័ណ តំបន់ទឹកធ្លាក់អូរអែម និងអូរតាវ៉ៅ ដែលមានទឹកថ្លាឈ្វេងត្រជាក់ស្រឹប អមជាមួយ ទេសភាពធម្មជាតិព្រៃភ្នំ វាលស្មៅ ដើមឈើតូចធំ ខ្ពស់ទាប លាយឡំជាមួយសម្រែក អ៊ឺងកងនៃពួកសត្វបក្សាបក្សីនានា ផងដែរ។
No comments:
Post a Comment