តំបន់ វប្បធម៌ខ្មែរក្រហមមានទីតាំងឋិតនៅក្នុងទីរួមស្រុកអន្លង់វែង ចម្ងាយប្រមាណ១០០គីឡូម៉ែត្រពីទីរួមខេត្ត។ មានការឆ្លាក់ជារូបភាពផ្សេងៗស្ដីពីសកម្មភាពរបស់ពួកខ្មែរក្រហម ទាំងរបៀបរបបក្នុងការរស់នៅ និងចលនា រៀបចំជាក្បួនទ័ពក្នុងការប្រយុទ្ធប្រឆាំង នឹងកម្លាំងរបស់រដ្ឋាភិបាល។ តំបន់នេះជាផ្ទះរបស់តាម៉ុក (មេខ្មែរក្រហម ដែលកាន់កាប់នៅភូមិភាគនិរតី) និងគ្រប់គ្រងដោយកងទ័ពខ្មែរក្រហមនៅចន្លោះឆ្នាំ១៩៧៩-១៩៩។
នៅមាន ទីតាំងដែលមានលក្ខណៈធម្មជាតិ និងវប្បធម៌មួយចំនួនផ្សេងទៀតដែលត្រូវបានរៀបចំគម្រោងក្នុង ការអភិវឌ្ឍទៅជាតំបន់ទេសចរនៅក្នុងខេត្តនេះ។ តំបន់ទាំងនោះមានដូចជា តំបន់ទន្លេស តំបន់ប្រាសាទសឹង្ហ តំបន់ ប្រាសាទពោធិ៍ តំបន់ចំការគុយ តំបន់បឹងស្នោរ តំបន់ទំបន់ថ្មី តំបន់អាងត្រពាំងបារាយណ៍ តំបន់អាងអូរអង្ក្រងជាដើម។
សូមបញ្ជាក់ថា ខេត្តឧត្ដរមានជ័យមានចម្ងាយ៤៦៩គីឡូម៉ែត្រពីរាជធានៅភ្នំពេញ។ ឋិតនៅប៉ែកឧត្តរឈៀង បស្ចិមនៃប្រទេសកម្ពុជាជាប់ព្រំប្រទល់ដែនថៃ។ ខេត្តនេះមានច្រកព្រំដែនអន្តរជាតិមួយដែលត្រូវបានរៀបចំឡើងដើម្បី ទាក់ទាញភ្ញៀវទេសចរឱ្យចូលចិត្តមកកម្សាន្តនៅទីនោះ។ ព្រំដែនអន្តរជាតិអូរស្មាច់មានសាងសង់ជាតំបន់កម្សាន្ត លក្ខណអន្តរជាតិដូចជា សណ្ឋាគារ ភោជនីយដ្ឋាន កាស៊ីណូជាដើម។ ទេសចរភាគច្រើនជាជនជាតិថៃ ដែលទៅកម្សាន្ត ឥតដាច់ក្នុងមួយថ្ងៃៗរាប់រយនាក់។ ព្រំដែនអន្តរជាតិអូរស្មាច់ មានចម្ងាយជាង៤១គីឡូម៉ែត្រពីទីរួមខេត្តឧត្ដរមានជ័យ តាមផ្លូវជាតិលេខ៦។
No comments:
Post a Comment